چاودێر لە جێبەجێکردنی چالاکییە سەرەکییەکانی ژیانی ڕۆژانەدا یارمەتی پێشکەش دەکات. وەک: خۆشۆردن، ئامادەکردنی ژەمەخۆراک، یارمەتیدان لە جووڵە و هاتوچۆ، بیرخستنەوە (بۆ نموونە، وادەی دەرمانەکان). بەڵام پەرستار، کەسێکی پزیشکیی پسپۆڕ و مۆڵەتپێدراوە کە دەتوانێت خزمەتگوزاریی پزیشکی پێشکەش بکات، وەک: دەرزی‌لێدان، ڕێکخستن و بەڕێوەبردنی دەرمانەکان، گۆڕینی برینپێچ و چاودێریکردنی نیشانە زیندەیییەکان. 

هەندێک لە پاکێجەکان ئەو دەرفەتە دەڕەخسێنن کە سەرەتا تەنها داوای چاودێرێک بکەیت (بێ پەرستار) بۆ کەمکردنەوەی تێچووەکان، تەنیا لە کاتی پێویستیی پزیشکیدا پەرستارێکیشی بۆ زیاد بکەیت.

نەخێر. خزمەتگوزارییەکانی پەرستاری تەنها لە چوارچێوەی کۆمەڵێ پلانی پزیشکیی تایبەتدا پێشکەش دەکرێن. وەک: چاکبوونەوەی دوای نەشتەرگەری و چاکبوونەوەی دوای جەڵتە. دەربارەی پلانەکانی تر، دەکرێت لەسەر داواکاری و بەرانبەر بە کرێیەکی زیادە، پەرستارێکیش زیاد بکرێت.

بەڵێ. ئێمە تێدەگەین کە پاراستنی تایبەتمەندێتی و هەستکردن بە ئاسوودەیی زۆر گرنگن. چاودێر یان پەرستاری ئافرەت لەسەر داواکاری دابین دەکرێن؛ بەڵام ئەمە بەگوێرەی بەردەستبوونیانە.

بەڵێ. زۆربەی هەرە زۆری ستافەکەمان بە ڕەوانی بە هەردوو زمانی کوردی و عەرەبی قسە دەکەن. ئێمە باشترین هەوڵی خۆمان دەدەین تاوەکوو ستافێک دابین بکەین بەپێی ئەو زمانەی خانەوادەکەتان پەسەندی دەکات.

بەڵێ. پلانەکانی چاودێریمان شیاوی گۆڕانن، دەتوانین بەگوێرەی گۆڕانی پێداویستییەکانتان بیانگونجێنین. بۆ  نموونە، ئەگەر پێداویستییەکەتان گۆڕا یان بارودۆخێکی نوێ هاتە پێشەوە، دەتوانین کاتژمێرەکانی خزمەتگوزاری، ئاست و جۆری چاودێری، یاخود زیادکردنی پەرستار (لەسەر داوکاریی ئێوە) دووبارە ڕێک بخەینەوە.

لە ماوەی ڕاوێژی بێبەرامبەردا ئێمە بە وردی چەند لایەنێک هەڵدەسنگێنین، لەوانە: دۆخی تەندروستیی ئەو کەسەی پێویستی بە چاودێرییە، ڕێکخستن و گونجاویی ماڵەکەتان (بۆ پێشکەشکردنی خزمەتگوزارییەکان)، هەروەها ویست و داخوازییەکانی ئێوە.

 پاشان لەسەر بنەمای ئەم زانیارییانە، ئەو پلانە پێشنیار دەکەین کە بە باشترین و گونجاوترینی دەزانین بۆ بارودۆخی ئێوە.

بەڵێ. سەرجەم ستافی “لایف‌ئەید” وردبینی‌بۆکراو، ڕاهێنراو و بڕوانامەدارن. پەرستارەکان پسپۆڕی مۆڵەتپێدراون. چاودێرەکانیش بە بەردەوامی ڕاهێنان لە بواری چاودێریی بەساڵاچووان، پاکوخاوێنی و سەلامەتیدا وەردەگرن.

زۆر بە ئاسانی: لە ڕێی تەلەفۆن، واتسئەپ یان ئیمەیڵەوە پەیوەندیمان پێوە بکە. ئێمە وادەیەک بۆ ڕاوێژی بێبەرامبەر دیاری دەکەین و لە ماوەی ٢٤ بۆ ٤٨ کاتژمێردا پلانی چاودێرییەکەت بۆ دادەڕێژین (ئامادە دەکەین).

بەڵێ. ئێمە خزمەتگوزاریی چاودێری شەوانە (٨-١٢ کاتژمێر) پێشکەش دەکەین، هەروەها چاودێری ٢٤ کاتژمێریشمان  دابین کردووە.

بە شێوازی نۆرەکار (shift-based): لەم شێوازەدا، چەند چاودێرێک بە نۆبەی یەک‌لەدوای‌یەک (بۆ وێنە، هەر یەکەیان چەند کاتژمێرێک) ئەرکی چاودێرییەکە لە ئەستۆ دەگرن بۆ ئەوەی دڵنیایی بدرێت کە بە درێژاییی ٢٤ کاتژمێر چاودێرییەکە بەردەوامە.

ئەمەش بۆ گرەنتیکردنی پشتیوانی و چاودێرییەکی تەواوەتی و بەردەوام بۆ ئەو کەسانەی پێویستیان پێیە.

بە دڵنیایییەوە. ستافەکەمان بەتوندی پابەندی ڕێکارەکانی پاکوخاوێنی، ڕێگریکردن لە گواستنەوەی نەخۆشی (درم) و ڕێکارەکانی تایبەت بە کۆڤید-١٩ن. هەروەها چاودێریی نیشانە زیندەیییەکان دەکەین و دڵنیا دەبینەوە لە پاکژکردنەوەی تەواوی ئامراز و کەرەستەکان.